Ei verksemd med lange tradisjonar 

Ved fjorden like aust for Larsnes kjem ei rik kalkåre opp i dagen. Breivik Kalkverk har hatt kontinuerleg drift i dette dagbrotet sidan 1885. Biletet til venstre er tatt kring hundreårsskiftet, og viser litt av miljøet ved kalkverket første åra. I dag er området ved sjøen godt utbygt med gode kai- og hamnetilhøve.

Kalkåra er av grunnfjellskalkstein, danna for over 1,5 milliardar år sidan. Den har grovkrystallinsk struktur, noko som gjer kalksteinen godt eigna for knusing og maling til mjøl, korning og singel. Mjølet får ein lett handterleg struktur, medan korning og singel vert rein og hard.

Kvaliteten på kalksteinen er høg. Kalkåra inneheld svært reint kalkfjell, med 98-99 % kalsiumkarbonat (CaCo3). Dette gir grunnlag for leveringar til landbruk, industri, miljøverntiltak og anna som har nytte av høge kalsiumverdiar. I tillegg vert kvit kalksand og -singel nytta som råvarer i betongvareproduksjon og på vegar i hagar/parkar.